Пелештыме мут

Поро Ош Кугу Юмо, Кече ава, Шочынава, Юмо Пÿрышö, Юмо Серлагыш!

Эрдене помыжалтын, яндар вӱд дене шӱргем шӱалтен, Поро Юмем деч, пелештен, полышым йодам. Те кугу виян улыда, шеме ден ошым ужыда, сай ден осалым ойыреда.

А таче кечын мом ужаш, колаш логалеш — чылажымат кӱлеш семын вашлияш ӱнарым пуэн шогыза. Кумылем кӱшнö кучаш полшыза, поро сомылым ыштен шогаш, шочшем, ешем кучаш сай серлагышым пуэн шогыза. Таза лияш полшыза.

Коштмо корныштем, ыштыме сомылыштем полшаш шонышо ен’ым луктын шогыза, осалжым коранден шогыза.

Коштмо корныштемат арален шогыза, илыме суртемат волгалтарен шогыза. Илыш да паша кумылем вӱчкен шогыза. Перкан да таза илаш полшен шогыза.

Тӱняште эрыкым саклаш, тиде шучко пуламырым сеҥен лекташ полшыза. Тӱняште эрык озаланыже. Салтакна-влак илыше да таза пöртылышт. Угыч тынысым кондыза. Тыныс да пиал дене илаш полшыза…

Алал лийже!

Салтак корныш ужатыме годым пелештыме мут

САЛТАКЫШ УЖАТЫМЕ ГОДЫМ ШУКТЫМО ЙӰЛА

Армийыште служитлыше верч пелештыме мут

Кугу Кугече кечын пелыштыме мут

Радинча – марийский праздник. Пелештыме мут

Вольыкым кÿтÿш лукмо годым Юмылан пелештыме мут