Салтакын ачаже але кочаже кидыш солыкым налеш, кинде сукырым пышта, кайышаш рвезын вуйжо йыр кече почеш кум гана пӧрдыктен, савырен тыге ойла:
— Мӧҥгеш пӧртылашет ик корно огеш сите гын, кокымшо корно лийже, кок корно огеш сите гын, кумшо корнет лийже. Калыкын пагалыме салтакше лийын, элым аралыме сомылым порын шуктен, могай таза кап-кыл дене, таза уш-акыл дене сурт гычын лектын кает, тугак таза-эсен пӧртыл савырне.
…Вара тиде рвезылан тиде киндым пурлыктат, ик катышым пеленже пуат, молыжым пӧрт кокласе кашташке вӱдылын сакат. Да ыге маныт: «Поро Сурт кугыза, … (лӱм) эргым коштмо корнышто арален коштыкто. Пушкыдо кинде дене сийлалт, эргым пӧртылмеке, тиде киндым пырля кочкаш Пӱрышо Ава пӱрен шогыжо».
Ираида Александровна Степанова деч налме.
Армийыште служитлыше верч пелештыме мут
Кугу Кугече кечын пелыштыме мут
Радинча – марийский праздник. Пелештыме мут
