Ӱярня годым пелештыме мут

Ош Кугу Юмо, Ӱярня кугу юмо, йӧратен лийын шогыза, серлаген шогыза, алал лийже.

Ош ӱстембал шовычетым кум мелла шаралтен, тичмаш чесетым поген шынден, тичмаш кинде сукырет, ӱян эгерчет, тичмаш ӱян туарат дене, салмавушет, тӱрлӧ пучымышет, шӱр лемет дене, шӧр-ӱмбал шӧрет дене, ӱй кӱмыжет дене, мӱй кӱмыжет дене, шыл когылет дене, саска шорва сортат дене мемнан пелештен шогымына ашеш кайыже.

Перке юмо, тӱрлӧ-тӱрлӧ перкетым виктарен шого. Ӱярня арня пайремет дене куандарен илаш серлаген шого.

Ӱярня кугу юмо, ӱдыр-каче-влакын модын-воштылмо дене куандарен шого, серлагышым пу, ӱдыр ден качым ваш ушо.

Ош Кугу Юмо, Ӱярня кечет дене, ош лумым кондымет дене, кеҥеж кечын леве йӱрет дене куанен илаш серлаген шого. Осал озыркан мардеж деч, осал тулйып деч аралтышым ыштен шого.

Мыйын пелештымем ашеш кайыже, юмо-суксо намиен шуктыжо, саска сорта шуктен виктарыже.

Алал лийже!

Ӱярня пайрем нерген

Марийский праздник Ӱярня

Команмелна – марийские трёхслойные блины

Мастерская «ЭтноМир»

Пелештыме мут

#авайденепырляТУНЕМЫНА
#этнособытиеМарийЭл
#марийӱла