6 ага (май) — Йогор кече (вольыкым пасушко луктыт). Тиддеч ончыч Юмылан мутым пелешташ шотлан толеш.
Ош Поро Кугу Юмо, Кугу пÿрышö, Вольык шочынава! Таче вольыкнам ял калыкет дене кÿтÿшкö луктын колташ кутырен келшенна. Саска сортам чÿктен, тичмаш киндым шынден, тичмаш пура шорвам шынден, кужу теле гоч тÿланен, арален лукмыланда вуйнам савена. Кÿтÿлан нур воктене шерен коштмыж годым, олыклап воктене, чодыра воктене — исыржым тÿжаҥден шогыза, каҥгажым таза кап-кыланым, ÿян-шöраным ыштыза. Ненче лавыра деч, шалдыра кÿвар деч, укш кошар деч, пÿян кÿчан деч, тÿрлö вольык котыра (чер) деч, кужу кид деч, йÿд вор деч аралтыш лийже.
Вольык шочын, ала иктаж-кö ашныме-кучымо вольыкем пужаш шона, осал йылмыж дене локтылаш шона — тыгай еҥын шинча ончалтышыж деч, йылме пурылтмо деч вольыкемым öрдыжтырак, тораште кучыза.
Информацийым «Марий калыкын кечышотшо. 2017 ий» гыч налме.
Кугу Кугече кечын пелыштыме мут
Радинча – марийский праздник. Пелештыме мут
Вольыкым кÿтÿш лукмо годым Юмылан пелештыме мут
