«Авай дене пырля!» школ-студийыш эше вер уло!

«Шочмо йылме авай дене пырля» у проектым «ИНТЕЛЛЕКТУАЛ» тӱвыра-увер рӱдер илышыш шыҥдара. Проектыш шочмо марий йылме дене мутланыше але мутланаш шонышо еш-влак ушнен кертыт: тиде – ава-влак 3-7 ияш йоча дене пырля.

Программыште: этнопсихолог да педагог дене занятий, кидпаша дене мастар-класс, конкурс-шамыч, ӱстел йыр погынен модмаш, сылнымут-сылнысем унагудо да молат. Чылажат марий йылмым тунемаш да марий тӱвырам палаш манын ышталтеш.

Кумылда уло гын, анкетым возен колтыза: https://forms.yandex.ru/u/631ade027b40dddab2d1e50c

Телефон: 8 999 145 38 76 (Эльвира).

«Шочмо йылме авай дене пырля. Родной язык с мамой» проектым «ИНТЕЛЛЕКТУАЛ» тӱвыра-увер рӱдер 2022 ийысе регион кӱкшытан СО НКО грант конкурсышто сеҥыше семын илышыш шыҥдара. Тидлан «Добрая Марий Эл» верысе организаций да Президент грант-влак фонд полшат.